Die Bauernnoth (Andere Gedichte)

I kan má’s unmigli nöt denká,
     Was d’Herren mit ins no anhöbn.
Á Baur soll si wáhrla grads henká,
     So kám á dient wög vo den Löbn.

     Und gleiwohl höbn’s Noiringá an
Und thain ins án Toifel áfdringá,
     Den d’Herrschaft selbm nenná nöt kan.

I bsinn mi, i z’brich má ’n Schedl,

I röd aus dá Sach mit mein Gredl,
     Wie vil hoir mein Ausgab schan macht.
Kain Nachbá, kain Amtmann kan’s wissen;
     Und schau i in’s Büechel, wie’s geht,

     Weil’s in dá Latein drinná steht.

Mein Huimátel kan i leicht zötn.
     I mag má kám ’s Traidl dábaun;
Is nix, als á ságrischi Frötn;

Ain Gaiß’l; zwen Frischling, söchs Anten
     Und ’s Peondel is all mein Vámögn.
Mag mi und dö Kiná kám gwándten,
     D’Kostirung und ’s Jahrláhnl göbn.

     Fuchzg sánd grads, als wie, we geht da.
’n Haar bringán’s inhá aus Baiern;
     ’n Lándláhaar káft ins niemd a.
Kain Schwabn han i nöt zán vákáfá,

Mi’n Scheitern is nix zun dáláfá
     Und ’s Heu ist iez á um án Spott.

Sinst hat má do gleiwohl mit’n Spinná,
     Mit Leinwáden, Rupfen und Garn

     Jetz sein má da á gstrigelt warn.
Drei Stempellahn kosten án Groschen;
     Und ’s Tueh, dös kain Stempel nöt trait,
Is schölmisch und zrissátást d’Goschen,

Sinst habmt diernt án ötlá guet Brüedá
     In’s Bairland á Kirifahrt than.
Á Kráxen Towák trug án iedá;
     Kain Fueßgehá schrie má nöt an.

     Má is kám recht drausten no z’Haag,
So thain’s ain schan schinden und heuten;
     So griffán ain d’Schöring in Sack.

Han jungáhait ’s Geign üntágriffá

Hab oft á schens Geldel dápfiffá
     Und iez leid i Hungá dábei.
In Rauhnáchten thát i aft immá
     Dá Kini Waldhausá sinst wern. –

     Kain heiling drei Kinö, kain Stern.

Wo nihm i (thuet’s nur ain Christ denká!)
     Á Geldl her? – Jez brauchát i ains.
’s Stehln ist má vábothen bán Henká

I mueß nur áf’s náchst mit mán Gvadern
     ’n Schatzgrabáhandl nachgehn. –
Leicht schmeißt ins dá Toifl in d’Bladern;
     Leicht holt er üns gar allö zwen.