Ich, du, er (Andere Gedichte)
Ich, du, er I bi doch en tumme Hagel, As i au eso mues säge! Loh mr s’Stüehli obem Mäle Underem Füdli vüre stäle.
As i au eso mues säge! Du bisch glych e rächti Chue, As i au eso mues säge! Hesch mr ghulfe zieh am Chare, Hesch mr en in Dräck verfahre;
As i au eso mues säge! Er isch halt en schlaue Chäib, As i au eso mues säge! Mi händ d’Mäitli uf dr Latte, Er het bald en Goof im Chratte!
As i au eso mues säge!
Eingetragen am 08.11.2011 09:34:06 von 2rhyme
Autor: Paul Haller
Quelle: de.wikisource.org
Weitere Informationen unter: http://de.wikisource.org
|